لعشاقي البغاشه طريقه عملها

لو حابه تاكلي حاجه حلوه بسعر لا مثيل له ؟ ومن صنع إيديكي , كل اللي عليكي طلعي المكونات دي من ثلاجتك , وإعمليها علي رخامتك , وإدعيلي بعد ما تاكلي بغاشتك وبألف هنا وشفا لكل اللي يجربها.

مقادير البغاشه لعشاقها :

•1 بيضة .
•4 ملاعق كبيرة من الدقيق .
• فانليا .
•معلقه صغيره مبوضر .
•ماء حسب الطلب .

 الشربات :

• لكل كوب ماء كوب سكر .
• عصير ليمون .

طريقه عمل البغاشة :

 



• نحضر وعاء للعجين ونضع به الدقيق ثم نضع عليه المبوضر.
• ثم نضع البيض مع الفانليا في وعاء اخر ويقلبوا جيدا.
• ثم نضيفهم علي الدقيق والمبوضر وتقلب العجينه جيدا حتي تصبح طرية ويسهل فردها إن احتاجت لقليل من الماء ضعية عليها .
• ثم نقطع العجينة الي 4 كور متساوية فالحجم.
•  ثم نضع اول كرة من العجين علي رخامه ممسوحه جيدا ومرشوش عليها القليل من الدقيق ثم نحضر النشابة لفرد العجين حتي تصبح رقيقه جدا .
•  ثم نتركها جنبا وناخذ الكرة الأخري وهكذا حتي ننهي الكور الاربعة .
• ثم نضعهم جمعياً علي بعض ويتم فردهم مره أخري بالنشابة ثم يقطعوا إلي أشكال مثلثات , مربعات , متوازي مستطيلات هههههههههههه

معلش دخلنا شوية علي الهندسة , نرجع تاني للمطبخ يا ست الكل نحضر طاسة غويطه ونضع فيها زيت غزير ثم نضعه علي النار وبعد تسخينة نضع فيه قطع البغاشة هنلاحظ انها بتنفش كده في الطاسة وعملت زي البقلاوه , تسلم أيدكم يلا بقوا متخلوهاش عالنار كتير بمجرد ما يبقي لونها برونزي كده جميل طلعوها عالشربات علطول وبعدين صفوها وبالف هنا وشفا

ملحوظة هامة جدا : أوعي تطلعي البغاشه من علي النار في الشربات وهو لسه سخن يبقي غلط لازم الشربات يكون بارد .