طريقه عمل اللحمه المحمره خطوه خطوه

مين فينا مبيحبش اللحمه ؟ طب مين مبيحبش يجدد ؟
اكيد كلنا بنحب التجديد الطريقه دي جميله جدا للكبار والاطفال كأنها بانيه .

المقادير:

• عرق لحمه من عند الجزار .
• حبهان .
• ورق لورا .
• سمن بلدي .
• ملح وفلفل .

طريقه عمل اللحمه المحمره :

• اشتري من الجزار عرق لحمه بيبقي احمر وبيستوي بسرعه .
• وخليه يقطها شرايح رقيقه جداً ارفع من البانيه .
• وبعدين في طاسه  عالنار حطي معلقتين كبار سمن بلدي .
• لما يسخنوا حطي فيها اللحمه قطعه قطعه لحد ما تاخد منك الطاسه .
• بعدين لما تتغير لونها اقلبيها عالناحيه التانيه وسيبيها لما يغير لونها .
•  وبعدين طلعي اللي اتغير لونه من الجانبين في طبق .
• واعملي نفس الطريقه مع باقي الكميه .
• وبعدين حطيهم كلهم تاني في الطاسه ووطي عليهم النار .
• ورشي عليهم ملح وفلفل اسود ووحده حبهان وورقتين لورا وغطيهم .
• قلبيهم من وقت للتاني لحد لما تستوي ولو ميتها خلصت وهي لسه مستوتش زوديلها ميه حبه حبه لحد لما تستوي تماماً وبألف هنا وشفا .

اللي جربها يقولي أيه رأيه ؟
منتظره آرأكم .